ثقافة شعبية
نكات عراقية
ميزبوتاميا / جنيف
كما
أوضحنا مرات عدة سابقة، إن نشرنا للنكات العراقية، لأنها جزء من الثقافة الشعبية
وتعبر عن عقلية الناس في حقبة معينة. ثم انها أيضا غايتها ترفيه النفوس والتخفيف
من حدة مشاكل الحياة، والتحلي ببعض روح المرح والطيبة. وقد حرصنا أن تخلوا النكات
من كل ما يسيء لأية فئة من أبناء الوطن، وكذلك أن تخلوا مما يجرح المشاعر ويشيع
الابتذال. أخيراً، نتقدم بالشكر الجزيل لكل المواطنين المجهولين الذي ساهموا
بتأليف هذه النكات.
- فد يوم واحد ساذج جاب خاشوكة طولها متر وكعد ياكل تمن: تدري ليش.. لأن الدكتور
كلة ابتعد عن التمن..
ـ رأى ثعلب ديج فوق شجرة وفي فمه قطعة من
الجبن، فقال
الثعلب : أيها الديك غني لي بصوتك الجميل، فوضع الديك قطعة الجبن تحت جناحه وقال
:عبالك اني الزوج الي جنت بكتاب القراءة.
ـ حرامي دخل على عجوز وعجوزه، دوّر ما
لكه شي. كلهم: راح
اكتلكم. وسأل العجوز: شنو اسمج؟ كالت: منيره. كال: اسمج على اسم امي فماراح اكتلج. بعدين راح للشايب وسأله: شنو
اسمك؟ كله سالم بس يسموني منيره.
ـ ضابط بالجيش ديصبغ حذاءه يم واحد ساذج.
كله شلون شغلك
اليوم ابني. كال سيدي وداعتك كلها نعل، بس انته قندره.
ـ بخيل راح للدكتور مال اسنان. كله:
دكتور اريد اشلع
سني. كله: يكلفك خمستالاف. كله: زين بس حركلياه انطيلك الف.
ـ واحد طب لتسجيلات كله الله يخليك عندك
محمد عبده. كله
أي. كله الله يخليك متكله يوخر سيارته من يم المحل.
ـ اكو ساذج ذب نفسه من فوك العماره كلوله
ليش كال اريد
اشوف مسقط راسي.
ـ اكو واحد رجع من الغربة اول ما وصل
للحدود نزل ديبوس
الكاع. حاط الجنطة يمة، شال راسة ما شاف الجنطة. كال: اهووووو رجعنة على طيحان الحظ ..هههههههههههه
ـ اكو ارهابية محششين رادوا يفجرون بناية
فخخو الطابق
الارضي وشردو للسطح.
ـ واحد راح للطبيب گال له: دكتور عندي
حالة نسيان شديد..
گال له الطبيب : ومن إشوكت عندك هذي الحاله؟ .. گال له: ياحاله دكتور؟
ـ ساذج إجه يدخل للبار، شاف مكتوب: ممنوع
الدخول دون18..... راح جاب 17
واحد وياه
ـ ساذج الف دارمي: بيضة وسمارج زين، شعرج كتلني، مثل السمج بالماي ياكل بتيتة.
ـ فد يوم عراقي استشهد فراح ديدخل الجنه.
شاف سره عراقيين
طويل كلهم شهداء. كال بلكي انطي
للملائكه جم فلس ويدخلوني ليكدام. راح ع الملاك، كله: يمعود بلكت ادخلني ليكدام. كله الملاك: صارلك جم يوم هنا ؟ كال: صارلي يومين. كله: حيييييييييييل بعد ليهسة شهداء القادسيه مامصفيهم..
ـ اثنين محشيشين كاعدين يشوفون الاخبار.
شوية طولت الاخبار.
واحد كال للثاني: اشو اليوم طولت الاخبار. كله: يمكن هاي الحلقة الاخيرة.
ـ بخيل سأل ابوه شنو الفرق بين الشده
والفرج : كلة الشده
اذا جاك خطار والفرج اذا كان متغدي.
ـ ساذج سأل أبوه : بابا قبل منين چنتو
تشربون ؟ أبوه كاله
من العيون. أبنه كال بابا لعد ليش هسه من الحلوك.
ـ مره واحد حشاش ديضرب روحه
ابره........گام يصيح لك آآآآآخ آآآآخ عله كيفي عله كيفي.
ـ ساذج راح يشتري ثلج. نسه اسمه، كل لابو
المحل: اكو
ماي يابس.
ـ واحد سأل شيخ: شنو كفارة برنامج ستار اكاديمي؟ كاله: تتفرج على تلفزيون اليمن
لمدة 3 شهور.
ـ الـﭼاي شاف الشكر يمشي. كاله: اشلونك يا حلو الـﭼاي. رد عليه وكال: هلا بللي يذوبني..
ـ واحد اسمه بديع، اتزوج وحده اسمها
روعه، اجاهم ولد سموه
اييباه!!!
ـ حرامي نجح إبنه، گلله: إبني شنو رايك
اهديلك سيارة الجيران.
ـ واحد شاف اعمى لازم جريده گال: اول مره
اشوف اعمى يقره.
كلله الاعمى: ومنو گللك اعرف اقره؟.. اني جاي اتباوع عالصور بس..
ـ اعمى گام يشوف صار بيه شلل من الفرحه.
ـ ساذج اتهموه بسرقة سياره..گال: ماكو هيچ شي
..فتشوني
ـ اكو فد يوم محشش طب على ابو المحل،
كله: عندك ببسي حار؟
ابو المحل كله: أي. المحشش كله لعد حطة بالثلاجة.
ـ فديوم أكوصرصر وكع بلخلاط. اشتغل
الخلاط وافتربيه.
داخ الصرصر، ولما طلع من الخلاط، كال: انعل والديه الي يدخل ديسكو بعد.
ـ فد يوم واحد ساذج بنه بيته مدور .لمن
سالوه الناس:
ليش بنيت البيت هيج. كال: حتى المريه ماتكول اني حابسها بين اربع حياطين.
ـ اكو فد واحد ساذج راح ديشتري راشي، جان
ينسه اسم الراشي.
سأل أبو المحل: عندك لبن عسكري؟
ـ طالب كاعد بالصف كل شوية يضحك. بعدين
جان يخرب من الضحك.
المدرس صار عصبي وصيّح عليه : ليش كل شويه تضحك؟ جان يكول : مو جنت دا أحجي نكات لنفسي واخير وحدة ما
سامعها قبل.
ـ بخيل مات ابوه... گلله المغسلچي:
انطيني1000 دينار مال الغسل. گال: إشدعوه؟؟ قابل مغسل (بي أم)؟
ـ فد يوم محشش متأخر عن الدوام وأمة
كعدتة من النوم.
هو من الثول لبس بدلة الشرطة مال اخوه. لمن شاف روحة بالمراية كال: شوف امي شكد ثولة كعدت اخوية عبالهة آني.
ـ كلب يركض بكل سرعته، انصدم بعمود فراح
يصيح: ميــو.. ميو؟ بعدين انتبه على نفسه وكال: أووه والله دخنه ما ندري (ميــو
ميو) لو (عــــو عو)؟ّّ!
ـ فد يوم مخبل راح لحديقه الحيوانات و
طبب راسه بقفص
الاسد. الحارس كله:
مخبل شدسوي؟ كله
على كيفك قابل راح ناكله.